لا تحاول تعيد بدمعتك ما مضى
ما تداوي دموعك جرح طول البعاد
إنتهى الحب يا اللى بيننا وانقضى
ولا بقى لك بقلبي غير ذكرى وداد
كنت أجيك بْخفوقٍ فيه حبّ ورضا
وكنت انته حبيبي غايتي والمراد
وكنت أشوفك حياتي جوّها والفضا
وكنت يومٍ تغيب آموت هَمّ وْ نكاد
بس خِذْها بْصَراحه القضا بالقضا
ذوق كاسٍ شربته منْك إسمه عناد
يرفض القلب مثلك به ودادٍ حظى
دامه انسان مثلك قطعةٍ من جماد
ما تعيش المشاعر في خفوقٍ فضى
كيف تبني ودادٍ له عنادك عماد
يا فقير المشاعر، يا شتات الشظا
المحبّه بوادي، وانت والله بواد
و هذا رد على القصيده
رد على قصيدة الشاعر (فزاع )، ممنوع أخذ الثار، يا مرحبا
شعر: ضاحي خلفان بن تميم
يا مرحبا مليار باللّي معنّي
مقالته صوبي عساها مديمه
(فَزاع) لك باجمل تحيّه أثنّي
لبّيك يا راعي المعاني الكريمه
شيخٍ على العليا مقامه مبنّي
مكانتك تتعب قويّ العزيمه
نسل الشجاع المبدع بْكل فنّي
من عادته ضرب الهدف في صميمه
هذا بلاغك ما يبى له تأنّي
جاني صباحٍ عقب زول العتيمه
(فزّاع) باسري لوبليلٍ مْجِنّي
ما دام في الموضوع ذرّة ظليمه
فانا خبيرٍ والتجارب عطنّي
من كل لونٍ في الجديد وقديمه
من كان في سابق عهودٍ يحنّي
صادق وروّاك المودّه حميمه
ثمٍ تنكر بالجفا والتجنّي
عليه بترد العواقب وخيمه
والله ما يفلت ولا يفر عنّي
لابر .. لا بحرٍ .. ولا فوق غيمه
وفرق بَحِثْنا بالحقيقه اطلعنّي
ومضمون فحواها غزالك حشيمه
وعنها العلوم الصادقه هوب ظنّي
هيه الضحيّه سيّدي والحطيمه
ذبحتها بغارات شوقٍ تشنّي
حتى غدت غيرا عليك وسقيمه
يا سيّدي إن تاخِذْ الراي منّي
خَل نَظْرتك للي تودّه رحيمه
ما نلتوا الرايه بقول التمنّي
يا من سكنتوا المجد باعلى قميمه
يا مرحبا مليار باللّي معنّي
مقالته صوبي عساها مديمه
23-11-08, 03:19 PM
لا تحاول بدمعتك ما مضي
